Breaking News
शिर्डीतून मोठी घोषणा: नाशिकच्या 2027 च्या कुंभमेळ्यात शिर्डी साईबाबांच्या नावाने नवीन आखाडा! Shirdi | ग्रो मोअर घोटाळा : ‘ही फसवणूक नाही, गुंतवणुकीचा व्यवहार’ - आरोपीच्या वकिलांचा दावा Shirdi News | शिर्डी साईचरणी 6.31 कोटींचं महादान! शिर्डीतील ‘ग्रो मोअर’ प्रकरणातून शिकण्यासारख्या 10 गोष्टी ! कुठं चूक झाली? Shirdi News | ‘ग्रो मोर’चा ‘नो मोर’ घोटाळा! शिर्डीकरांची कोट्यवधींची फसवणूक.. Shirdi News | शिर्डीत साईचरित्र ग्रंथांचा तुटवडा; सहा महिन्यांपासून विविध भाषांतील ग्रंथ उपलब्ध नाही... Shirdi News | शिर्डी साईबाबांची बदनामी करणाऱ्यांना न्यायालयाचा दणका Ahilyanagar Fake Note Crime |राहुरीत बनावट नोटा प्रकरण उघडकीस : 66 लाखांसह तिघांना अटक.. Koparagoan | कोपरगावात बिबट्याच्या जबड्यातून आजोबांनी वाचवला चार वर्षांचा नातू! Shaheed Sandip Gaikar | शहीद संदीप गायकर यांना अखेरचा निरोप; ब्राह्मणवाडा गावात शोकसागर पाकिस्तानप्रेमींना दहशतवाद्यांच्या हवाली करा; शिर्डीत मंत्री विखेंचा स्फोटक घणाघात Shirdi | शिर्डीत बनावट पोलीस अधिकारी अटकेत, श्रीरामपुरचा जग्गू इरानी अखेर धरला Shirdi Trust Update | शिर्डी साई संस्थानवर प्रशासकीय समितीची स्थापना Shirdi News | शिर्डीत देणगीदारांसाठी नवीन धोरण, व्हीआयपी रकमेची मर्यादा घटवली
24.1 C
Maharashtra
Tuesday, August 26, 2025

शिर्डीत शिल्पा शेट्टीचं साईबाबांचं दर्शन : पिंक ड्रेस बद्दल सांगितलं गुपीत

- Advertisement -

शिर्डी | बॉलीवूड फिटनेस गर्ल शिल्पा शेट्टी (Bollywood Actress Shilpa Shetty Visited Shirdi Sai Temple) आपल्या संपूर्ण कुटुंबासह शुक्रवारी शिर्डीच्या साईबाबा समाधीचे दर्शन घेण्यासाठी पोहचली. नेहमीप्रमाणे आपल्या आकर्षक आणि पारंपरिक स्टाइलने शिल्पाने चाहत्यांचं लक्ष वेधून घेतलं. या वेळी तिने गुलाबी रंगाचा पारंपरिक ड्रेस परिधान केला होता, जो तिच्या सोज्वळतेचं प्रतीक ठरत होता.
यावेळी तिच्या सोबत पती राज कुंद्रा, मुलगा विहान आणि मुलगी समीक्षा मातोश्री सुनंदा शेट्टी आणि राज कुंद्रा यांची बहीण रिना ही देखील उपस्थित होती.

दरम्यान साईबाबा संस्थानच्या वतीने शिल्पा शेट्टी आणि संपूर्ण कुटुंबियांचा संस्थांचे उपमुख्य कार्यकारी अधिकारी भीमराज दराडे यांनी सन्मान केला.

शिल्पा शेट्टीनं धुपारती नंतर शिर्डीच्या साईबाबा मंदिरात त्यांनी हजेरी लावली. मंदिरात प्रवेश करतानाच अनेक भाविक आणि चाहत्यांनी तिचं जोरदार स्वागत केलं. शिल्पाने समाधीवर चादर अर्पण करत साईबाबांची प्रार्थना केली. साधारणतः प्रत्येक वर्षी ती साईबाबांच्या दर्शनासाठी येत असते, मात्र यंदा संपूर्ण कुटुंबासह येऊन तिच्या भक्तिभावाचं वेगळंच दर्शन घडवलं.

शिर्डीच्या रस्त्यांवर शिल्पाला पाहण्यासाठी चाहत्यांनी मोठी गर्दी केली होती. काहींनी तिच्यासोबत फोटो आणि सेल्फी घेण्याची संधी साधली, शिल्पा नेहमीप्रमाणे सौम्य हास्याने सर्वांना अभिवादन करत पुढे सरकत होती. तिच्या उपस्थितीमुळे मंदिर परिसरात उत्साहाचं वातावरण होतं.

दरम्यान साई दर्शनानंतर शिल्पाने प्रसारमाध्यमांशी थोडक्यात संवाद साधला. “प्रत्येक वेळेस इथं आलं की एक वेगळीच शांतता मिळते. साईबाबांचं दर्शन म्हणजे आमच्यासाठी एक आत्मिक अनुभव असतो,” साई मंदिरात येताना खास करुन आपला आवडता गुलाबी अर्थात रानी रंगाचा ड्रेस घालून येत असल्याच देखिल ती म्हणाली.

पिंक ड्रेस बद्दल काय म्हणाली शिल्पा


ड्रेस कलर बद्दल पत्रकारांनी विचारले असता शिल्पा म्हणाली राणी पिंक माझा आवडता रंग असल्याने मी जेव्हा येथे येते तयार होऊन येते. आम्ही खूप प्रवास करून थकून आलो. मात्र येथे आल्यावर थकवा दूर झाला. बाबांनी शक्ती दिली. पैशांच्या व्यतिरिक्त बाबांनी भरपूर काही दिलं. जीवनात सुख महत्त्वाचं असतं. जीवनात जितके चढ उतार बघितले माझा अंधविश्वास म्हणा किंवा दृढ विश्वास मला माहित आहे जे काही होत आहे ते चांगल्यासाठीच होत आहे, अशी प्रतिक्रिया शिल्पा शेट्टी हिने माध्यमांशी बोलताना दिली आहे.

तिच्या गुलाबी पोशाखाबद्दल विशेष चर्चा रंगली होती. सुंदर साडीमध्ये ती पारंपरिक भारतीय सौंदर्याचं प्रतीक ठरत होती. अत्यंत साधेपणा मुळ तिचं रूप अधिकच खुलून दिसत होत.

शिर्डीतून बाहेर पडताना तिने साईंच्या गुरुस्थानी असलेल्या निम वृक्षाची पाने पुजाऱ्यांकडून प्रसाद म्हणून घेतली.

शिल्पा शेट्टीची ही भक्तिभावाने ओतप्रोत असलेली यात्रा केवळ सेलिब्रिटी दर्शनापुरती मर्यादित राहिली नाही, तर तिच्या कुटुंबीयांसोबत घडलेल्या या अनुभवाने एक आध्यात्मिक आणि प्रेरणादायी संदेश दिला.

या संपूर्ण घटनेवर आधारित व्हिडिओ आणि फोटो सध्या सोशल मीडियावर व्हायरल होत असून, शिल्पाच्या भक्तिभावाने अनेकांना साईबाबांच्या भक्तीत रंगवून टाकलं आहे. तिची ही शिर्डी यात्रा अजून कितीतरी दिवस चाहत्यांच्या चर्चेचा विषय ठरणार, यात शंका नाही.

- Advertisement -

Related Articles

Stay Connected

0FansLike
0FollowersFollow
315,632SubscribersSubscribe
- Advertisement -spot_img

Latest Articles