Shirdi News | शिर्डीत महाशिवरात्रीला गोमांस विक्री? गोरक्षकांकडून जबर चोप..

Shirdi | हिंदू धर्मीयांसाठी अत्यंत पवित्र मानल्या जाणाऱ्या महाशिवरात्रीच्या दिवशी शिर्डीसारख्या श्रद्धास्थळी घडलेला प्रकार संपूर्ण शहराला हादरवणारा ठरला आहे. साईनगरीत सर्वत्र भक्तीमय वातावरण असताना, काही समाजकंटकांनी या पवित्रतेला काळिमा फासण्याचा प्रयत्न केल्याचा गंभीर आरोप नागरिकांकडून केला जात आहे.

दुचाकीवरून चोरीछुप्या पद्धतीने गोमांस विक्रीसाठी आलेला महमूद कुरेशी याला संतप्त जमावाने रंगेहाथ पकडले. त्याच्याकडे संशयास्पद मांस आढळून आल्यानंतर नागरिकांचा संताप अनावर झाला आणि परिस्थिती तणावपूर्ण बनली. या घटनेत संबंधित व्यक्तीला जमावाकडून मारहाण झाल्याची माहिती आहे.

हा प्रकार शिर्डी–साकुरी–शिव रस्त्यावर, भररस्त्यात घडल्याने काही काळ परिसरात खळबळ उडाली होती. महाशिवरात्रीसारख्या पवित्र दिवशी गोमांस विक्रीचा प्रयत्न हा धार्मिक भावना दुखावणारा आणि जाणीवपूर्वक केलेला प्रकार असल्याचा आरोप नागरिकांनी केला आहे.

घटनेची माहिती मिळताच गोरक्षा दल घटनास्थळी दाखल झाले. त्यांनी संबंधित व्यक्तीला ताब्यात घेऊन पुढील कारवाईसाठी शिर्डी पोलिसांच्या स्वाधीन केले. पोलिसांनी परिस्थिती नियंत्रणात आणत जमावाला पांगवले असून, कायद्याच्या चौकटीत तपास सुरू केला आहे.

दरम्यान, नागरिकांनी स्पष्ट शब्दांत इशारा देत म्हटले आहे की,
“श्रद्धास्थळी आणि पवित्र दिवशी अशा प्रकारची विक्री ही केवळ कायद्याची पायमल्ली नसून सामाजिक सलोख्यालाही धोका आहे.”

एकीकडे अशा बेकायदेशीर कृत्यांवर कठोर कारवाई आवश्यक असतानाच, दुसरीकडे कायदा हातात घेण्याच्या प्रवृत्तीवरही प्रशासनाने ठाम भूमिका घ्यावी, अशी मागणी सुज्ञ नागरिकांकडून होत आहे.

या प्रकरणी पोलिसांकडून पुढील तपास सुरू असून, मांसाचा नमुना तपासणीसाठी पाठवण्यात येणार असल्याची माहिती सूत्रांनी दिली आहे.

महाशिवरात्रीसारख्या पवित्र दिवशी घडलेली ही घटना शिर्डीसाठी लाजिरवाणी असून, भविष्यात अशा घटना टाळण्यासाठी कडक प्रतिबंधात्मक उपाययोजना करण्याची गरज असल्याचं स्पष्ट झालं आहे.