Ahilyanagar | नगर–मनमाड महामार्गावर वाहतूक ठप्प, डॉ. सुजय विखे पाटील थेट रस्त्यावर उतरले!
नगर–मनमाड Highway वरील प्रचंड traffic jam मुळे राहुरी परिसरातील नागरिक हैराण झाले आहेत. Road work च्या slow speed मुळे सकाळ-संध्याकाळ long vehicle queues लागत आहेत. या गंभीर परिस्थितीची दखल घेत Former MP Dr. Sujay Vikhe Patil यांनी directly spot visit करून traffic situation ची पाहणी केली.
राहुरी : नगर–मनमाड महामार्गावरील रखडलेल्या आणि अत्यंत संथ गतीने सुरू असलेल्या रस्त्याच्या कामामुळे (NAGAR–MANMAD ROAD CHAOS) नागरिकांचा संयम आता संपण्याच्या टप्प्यावर आला आहे. गेल्या अनेक दिवसांपासून महामार्गावर भीषण वाहतूक कोंडी निर्माण झाली असून सकाळ-संध्याकाळ वाहनांच्या लांबच लांब रांगा लागणे नित्याचे झाले आहे. रुग्णवाहिका, शाळेच्या बसेस, दूध वाहतूक, व्यापारी वाहनांसह सामान्य नागरिक अक्षरशः अडकून पडत आहेत. या गंभीर आणि संतापजनक परिस्थितीची दखल घेत माजी खासदार डॉ. सुजय विखे पाटील यांनी (HIGHWAY JAM! SUJAY VIKHE ON ROAD) थेट घटनास्थळी जाऊन परिस्थितीची पाहणी केली.
महामार्गावर उतरून डॉ. विखे पाटील यांनी ठिकठिकाणी थांबून वाहतूक कोंडीची कारणे तपासली. अपूर्ण रस्त्याचे काम, अव्यवस्थित वळणमार्ग, योग्य सूचनाफलकांचा अभाव आणि अपुरा पोलीस व वाहतूक बंदोबस्त यामुळे ही समस्या (NAGAR_MANMAD ROAD WORK FAIL!) अधिकच गंभीर झाल्याचे त्यांनी स्पष्ट शब्दांत नमूद केले. यावेळी वाहनचालक, स्थानिक नागरिक, दुकानदार आणि व्यावसायिकांनी आपल्या संतप्त प्रतिक्रिया व्यक्त करत प्रशासनाच्या हलगर्जीपणावर नाराजी व्यक्त केली.
राहुरीत वाहतूक कोंडीचा उद्रेक
परिस्थिती पाहून डॉ. सुजय विखे पाटील यांनी केवळ पाहणीवर समाधान न मानता संबंधित यंत्रणांना जागेवरच कडक शब्दांत सुनावले. “नागरिकांचा वेळ, पैसा आणि मानसिक शांतता या महामार्गावर रोज उद्ध्वस्त होत आहे. हे केवळ गैरसोयीचे नाही, तर प्रशासनाचे अपयश आहे,” असा थेट इशारा त्यांनी दिला. वाहतूक तात्काळ सुरळीत करण्यासाठी अतिरिक्त मनुष्यबळ तैनात करणे, तात्पुरते पर्यायी मार्ग निश्चित करणे, योग्य ठिकाणी बॅरिकेड्स, फलक आणि रात्रीसाठी प्रकाशव्यवस्था वाढवण्याचे स्पष्ट निर्देश त्यांनी दिले.
“होमगार्डचा पगार मी देईन!” – कडक घोषणा
परिस्थितीचे गांभीर्य लक्षात घेता डॉ. विखे पाटील यांनी मोठी आणि धक्कादायक घोषणा करत जबाबदारी स्वतःवर घेतली. “जिथे वाहतूक नियंत्रणासाठी मनुष्यबळ अपुरे आहे, तिथे तात्काळ होमगार्ड नेमण्यात यावेत. गरज पडली तर त्या होमगार्डचा पगार मी स्वतः देईन, पण नागरिकांचा त्रास कमी झालाच पाहिजे,” असे ठाम आणि आक्रमक विधान त्यांनी केले. त्यांच्या या भूमिकेमुळे घटनास्थळी उपस्थित नागरिकांमध्ये समाधानाची भावना दिसून आली.
याचवेळी त्यांनी महामार्गाच्या कामाच्या संथगतीवरही तीव्र नाराजी व्यक्त केली. “तात्पुरते उपाय करून प्रश्न सुटणार नाही. जोपर्यंत रस्त्याचे काम वेळेत आणि दर्जेदार पूर्ण होत नाही, तोपर्यंत हा त्रास संपणार नाही,” असे सांगत त्यांनी संबंधित कंत्राटदार आणि अधिकाऱ्यांवर जबाबदारी निश्चित करण्याचे संकेत दिले. आवश्यक असल्यास काम करणाऱ्या यंत्रणांविरोधात कठोर कारवाईची मागणीही करण्यात येईल, असा इशाराही त्यांनी दिला.
नगर–मनमाड रोडवर हाहाकार!
दरम्यान, नागरिकांनीही संयम राखून वाहतूक नियमांचे पालन करावे आणि प्रशासनाला सहकार्य करावे, असे आवाहन करत डॉ. सुजय विखे पाटील यांनी स्पष्ट केले की, “हा प्रश्न केवळ राजकीय नाही, तर सर्वसामान्यांच्या रोजच्या जीवनाशी निगडित आहे. त्यामुळे यावर तात्काळ आणि कायमस्वरूपी तोडगा काढलाच पाहिजे.”
नगर–मनमाड महामार्गावरील वाहतूक कोंडीचा प्रश्न आता टोकाला पोहोचला असून, डॉ. सुजय विखे पाटील (SUJAY VIKHE PATIL) यांच्या थेट हस्तक्षेपामुळे प्रशासनावर दबाव वाढला आहे. मात्र प्रत्यक्षात रस्त्याचे काम कधी पूर्ण होते आणि नागरिकांना कायमस्वरूपी दिलासा कधी मिळतो, याकडे संपूर्ण जिल्ह्याचे लक्ष लागले आहे.
